قدري نفسك
كتبت.. فاتن صلاح
الموّضوع مالوش عِلاقة بالقسوة، لكن بييجي عليكى وقت وطاقتك بتقل، مَفيش طاقة تبررى ولا تشرحى ولا حتى تتحمّلى، فلما تلاقيهم واخدين كلامك وتصرُّفاتك بسوء نيّة هتعمليلهم إيه يعني؟ تفهميهم إزاي إنك مش حِمل أي ضغط من أي نوع، ولما تقررى تسكتى وما تدخُليش معاهُم في جِدال بيتقال إنك اتغيّرتى! لأ إنتى ما اتغيّرتيش هما اللي مش عايزين يفهموا إن ما بقاش عندك مجهود تضيّعيه على جِدالات خايبة، وبلاها أي مجهود هتبذليه في سبيل تحسين صورتك قُدامهم.. اللي عايز يشوفك كويّسة هيشوفك واللي مش عايز الله الغني عنه
