محتاجة شوية قسوة مع نفسك من وقت للتانى عشان تحسمى قرارات متعلقة مفيش أى مبرر لتأخرها!.. عايزة تقدرى نفسك وتشوفيها من زاوية أفضل هي تستحقها بعد مرمطتها معاكى فى حاجات ماتستاهلش.. محتاجة تتدربى تقولى: "لأ " و "كفاية" و "مش هعمل كذا تانى".. اللكلكة، والمدادية، ومسك العصاية من النصف مش حل.. اللى بيمسك العصاية من النصف بيبقى ناوى يرقص مش يحسم.. العصاية تتمسك من الطرف عشان تنزلى رزع على دماغ كل واحد افتكر إن آخرك معروف؛ فيفوق.
