اعظم الصفات
كتبت فاتن صلاح
....
أعظم صفة محتاجاها اليومين دول هي "الصبر" .. الصبر على المِحن بأخلاق جميلة .. الصبر على طول الحرمان .. الصبر على إنك تتعلمى حاجة جديدة .. الصبر على نفسك لما تغلطى إنك تتعلمى من الغلط من غير جلد ذات .. الصبر على ولادك بمسؤلياتهم ومشاكلهم وعِندهم أحيانا وتعبهم .. الصبر على أوضاع صعبة .. الصبر على شريكك في زلاته وأخطائه .. الصبر على ما أحلامك تتحقق وانتى بتاخدى بالأسباب .. الصبر على وجع أو جرح صابك والصبر على التعافي .. الصبر على غضبك إنك تهدى ومتعمليش حاجة تندمى عليها .. وعلى مشاعرك عموما لما أحيانا تضطرب أو تجتاحك .. الصبر بيكبرك وبيعلمك تصمدى وبينشف مناعتك النفسية .. الصبر الجميل غير السلبية .. الصبر على حاجات مش في إيديكى وعملتى كل اللي عليكى .. وحقيقي الزمن ده محتاج صبر غير عادي على كل اللي بنشوفه ونعيشه ..
