زيارة كهربا للأهلي والخطيب لأكرم توفيق احنا مش يا نجم
متابعه هناء الراوى
⬅️كهربا بالأمس كان في زيارة للأهلي وخد أكرم توفيق على جنب ايه اخبارك وانت خلاص كدة رايح قطر قاله لاء 😡 هكمل في الأهلي ان شاء الله بس هما في الإدارة مش عايزين يساعدوني عشان يتكلموا مع نادي الشمال القطري وانا هحاول اشوف الدنيا.
⬅️ و الجديد ان أكرم توفيق طلب من محمد رمضان المدير الرياضي بأن الخطيب بهلاقاته يتوسط لأكرم عند الشمال القطري يسيبوه ويرجع الفلوس وياخد العقد لان رغبته الاستمرار مع الأحمر ولكن ما بين السطور ان بيبو رفض التدخل مش كل لاعب يغلط غلطة تساعده أنا عمري في تاريخي ما عملتها ان اللعب سايبنا ونروح نتوسطله عند النادي التاني فقلك أنا مش هبقى الزمالك زي ما عملوا مع شيكابالا وقت ما جالنا وكان هيخلص حتى لما عبد الله السعيد راحلهم في الزمالك القصة أننا متقبلناش ان هو هيكمل معانا واكرم مش هيبقى أفضل من عبد الله السعيد وكان قلب الفريق ولما عرفنا ان رمضان صبحي حاططنا في مقارنة مع بيراميدز سيبناه وقولناله اخرك نصف ساعة وترد علينا فاحنا مبندخلش في مزايدات مع أي نادي.
⬅️ وأكرم وصله الكلام ده وقالهم خلاص ادوني وقتي أحاول اشوف حل الموضوع مع الشمال القطري ولكن الحقيقة ان أكرم لا هيقول الشمال هاتولي عقدي وخدوا فلوسكم لاء هل أكرم هيفسخ معاهم ويكمل مع الأهلي لاء ودا الكلام اللي قاله لكهربا ولو أكرم قالهم كدة هيرجعولوا عقده وياخدوا فلوسهم بمنتهى البساطة لأنهم مش هيلاعبوا لاعب غصب عنه والمبلغ المدفوع مش قليل فالأمر كله بإيد أكرم مش الأهلي.
